"Atletiko Mineyro" hujumchisi Xalk Qozog‘istonga ko‘chib o‘tishi mumkin. Bu haqda insayder Ivan Karpov ma’lum qildi.

Manbaga ko‘ra, braziliyalik futbolchiga "Aktobe" qiziqish bildirmoqda. Biroq, bir muammo bor - Qozog‘iston klubi rahbariyati Xalkning moliyaviy talablarini qondira olmayapti, shu sababli muzokaralar to‘xtatildi. Qayd etilishicha, forvard yiliga 2 mln yevro maosh olishni mo‘ljallamoqda.

Avvalroq, "Aktobe" "Manchester Yunayted" va Portugaliya terma jamoasining sobiq vingeri Luish Nani hamda "Barselona", "Yuventus" va SSKA klublarining sobiq yarim himoyachisi Miralem Pyanich bilan shartnoma imzolashni rejalashtirayotgani haqida xabar berilgandi.

2025 yilda Xalk 61 ta o‘yinda maydonga tushib, 21 ta gol urdi va sakkizta golli uzatmani amalga oshirdi.