Жозе Моуриньо куни кеча катта клублар муваффақиятсиз мураббийларга ишонишидан ҳайратда эканини айтди. Португалияликнинг бу сўзларига яқинда "Реал"ни қабул қилиб олган Альваро Арбелоа изоҳ берди.
"Мен учун Моуриньо нимани англатишини ҳаммангиз биласиз. Бундай тажриба ва тарихга эга мураббий гапирганда, мен ҳар доим тинглашга ва айтилганларни таҳлил қилишга ҳаракат қиламан," - деди Арбелоа жума кунги матбуот анжуманида.
"Реал" Испания чемпионати турнир жадвалида "Барселона"дан 1 очко ортда қолиб, 2-ўринда бормоқда. Арбелоа жамоаси навбатдаги ўйинни 24 январь куни сафарда "Вильярреал"га қарши ўтказади.
