Joze Mourinyo kuni kecha katta klublar muvaffaqiyatsiz murabbiylarga ishonishidan hayratda ekanini aytdi. Portugaliyalikning bu so‘zlariga yaqinda "Real"ni qabul qilib olgan Alvaro Arbeloa izoh berdi.

"Men uchun Mourinyo nimani anglatishini hammangiz bilasiz. Bunday tajriba va tarixga ega murabbiy gapirganda, men har doim tinglashga va aytilganlarni tahlil qilishga harakat qilaman," - dedi Arbeloa juma kungi matbuot anjumanida.

"Real" Ispaniya chempionati turnir jadvalida "Barselona"dan 1 ochko ortda qolib, 2-o‘rinda bormoqda. Arbeloa jamoasi navbatdagi o‘yinni 24 yanvar kuni safarda "Vilyarreal"ga qarshi o‘tkazadi.