Испаниянинг "Жирона" клуби икки нафар украиналик футболчини сотиб олишга яқин турибди. Клуб таркибини Венгриянинг "Дьор" клуби форварди Александр Пишур ва Киевнинг "Динамо" клуби ярим ҳимоячиси Николай Шапаренко тўлдириши мумкин.
Пишур бир миллион еврога баҳоланмоқда. Sport.es хабарига кўра, клублар аллақачон келишувга эришган, расмиятчиликларни ҳал қилиш қолган.
Шапаренкога келсак, "Жирона" ҳозирча "Динамо" билан музокарага киришгани йўқ, саккиз миллион евро турадиган футболчини кузатишда давом этмоқда.
"Жирона" 20-турдан кейин 24 очко билан турнир жадвалида ўнинчи ўринда бормоқда.
