Ispaniyaning "Jirona" klubi ikki nafar ukrainalik futbolchini sotib olishga yaqin turibdi. Klub tarkibini Vengriyaning "Dyor" klubi forvardi Aleksandr Pishur va Kiyevning "Dinamo" klubi yarim himoyachisi Nikolay Shaparenko to‘ldirishi mumkin.
Pishur bir million yevroga baholanmoqda. Sport.es xabariga ko‘ra, klublar allaqachon kelishuvga erishgan, rasmiyatchiliklarni hal qilish qolgan.
Shaparenkoga kelsak, "Jirona" hozircha "Dinamo" bilan muzokaraga kirishgani yo‘q, sakkiz million yevro turadigan futbolchini kuzatishda davom etmoqda.
"Jirona" 20-turdan keyin 24 ochko bilan turnir jadvalida o‘ninchi o‘rinda bormoqda.
