"Ливерпуль"нинг чап қанот ҳимоячиси Эндрю Робертсон "Тоттенхэм"нинг трансфер мақсадига айланди. Лондон клуби аллақачон 31 ёшли футболчининг ўзи билан оғзаки келишувга эришган.
Журналист Пол Жойснинг маълумотига кўра, "шпорлар" "қизиллар"га эҳтимолий бонусларни ҳисобга олмаганда, Робертсон учун тахминан 3 млн фунт (тахминан 3,5 млн евро) тўлашга тайёр. Эслатиб ўтамиз, футболчининг амалдаги шартномаси ярим йилдан сўнг ўз ниҳоясига етади.
Эндрю Робертсон 2017 йилдан бери мерсисайдликлар шарафини ҳимоя қилиб келади. Transfermarkt портали экспертлари тажрибали латералнинг нархини 12 млн еврога баҳоламоқда. Жорий мавсумда шотландиялик футболчи Арне Слот жамоаси сафида 21 та ўйинда майдонга тушди ва 1 тадан гол ҳамда голли узатмага муаллифлик қилди.
