"Ливерпуль" бош мураббийи Арне Слот ярим ҳимоячи Доминик Собослаининг жорий мавсумдаги ўйини ҳақида ўз фикрларини билдириб ўтди.
"Етакчи бўлишни истасанг - шахсий намуна кўрсат. Собослаи айнан шундай қилади. У тўпсиз жуда яхши, жамоанинг темпини оширади. Бу мавсумда у тўп билан яхшироқ ҳаракат қилмоқда, гарчи мен ундан аввал ҳам бу жиҳатдан қониққан бўлсам-да. Ҳозир у янада ишончли ўйнамоқда, вазиятлар яратиш ва ҳужумларни якунлашда фаолроқ иштирок этмоқда. Мавсум унинг учун яхши ўтмоқда," - деди Слот матбуот анжуманида.
