"Liverpul" bosh murabbiyi Arne Slot yarim himoyachi Dominik Soboslaining joriy mavsumdagi o‘yini haqida o‘z fikrlarini bildirib o‘tdi.

"Etakchi bo‘lishni istasang - shaxsiy namuna ko‘rsat. Soboslai aynan shunday qiladi. U to‘psiz juda yaxshi, jamoaning tempini oshiradi. Bu mavsumda u to‘p bilan yaxshiroq harakat qilmoqda, garchi men undan avval ham bu jihatdan qoniqqan bo‘lsam-da. Hozir u yanada ishonchli o‘ynamoqda, vaziyatlar yaratish va hujumlarni yakunlashda faolroq ishtirok etmoqda. Mavsum uning uchun yaxshi o‘tmoqda," - dedi Slot matbuot anjumanida.