Марказий ҳимоячи Дайо Упамекано ҳамон "Бавария"нинг янги шартнома бўйича таклифига розилик бергани йўқ.
Французнинг келишуви ярим йилдан кейин тугайди ва Мюнхен гранди раҳбарияти анчадан бери футболчини шартномани узайтиришга кўндиришга ҳаракат қилмоқда.
Журналист Флориан Плеттенбергнинг ёзишича, "Бавария" ҳозирги таклифни яхшиламайди - Упамекано бу шартларни қабул қилади ёки ёзда эркин агент сифатида кетади.
Клуб ҳозирча футболчига жавоб бериш учун муддат белгиламади, аммо келаси мавсум учун таркибни шакллантириш билан шуғулланиш учун унинг қарорини имкон қадар тезроқ билиб олишга умид қилмоқда.
