Markaziy himoyachi Dayo Upamekano hamon "Bavariya"ning yangi shartnoma bo‘yicha taklifiga rozilik bergani yo‘q.
Fransuzning kelishuvi yarim yildan keyin tugaydi va Myunxen grandi rahbariyati anchadan beri futbolchini shartnomani uzaytirishga ko‘ndirishga harakat qilmoqda.
Jurnalist Florian Plettenbergning yozishicha, "Bavariya" hozirgi taklifni yaxshilamaydi - Upamekano bu shartlarni qabul qiladi yoki yozda erkin agent sifatida ketadi.
Klub hozircha futbolchiga javob berish uchun muddat belgilamadi, ammo kelasi mavsum uchun tarkibni shakllantirish bilan shug‘ullanish uchun uning qarorini imkon qadar tezroq bilib olishga umid qilmoqda.
