Собиқ ҳужумчи Уэйн Рунининг 16 ёшли ўғли Кай Руни "Олд Траффорд"да илк бор "Манчестер Юнайтед" U18 жамоасида ўйнади.
Вингер Англия кубогининг 4-раундида "Дерби"га қарши ўйинда қўшимча бўлимларда захирадан майдонга тушди.
Руни ўйиннинг 99-дақиқасида 0:0 ҳисоби вақтида майдонга тушди. Орадан вақт ўтиб, "Дерби" ҳимоячиси Лука Кролла тўпни ўз дарвозасига жойлаб қўйган бўлса, яна 3 дақиқа ўтиб, "Юнайтед" форварди Чидо Оби ҳисобдаги фарқни оширди.
Учрашув 2:1 ҳисобида "Манчестер Юнайтед"нинг ғалабаси билан якунланди. 1/8 финалда Даррен Флетчер жамоаси кейинги ойда "Оксфорд Юнайтед" билан куч синашади.
Ўғлининг дебютини Уэйн Руни трибунадан кузатди: у директорлар ложасида асосий жамоа бош мураббийи Майкл Кэррик ва мураббий Жонни Эванс билан бирга эди.
Учрашув давомида мухлислар "Руни, Руни" деб ҳайқиришди.
