«Реал»нинг янги бош мураббийи Альваро Арбелоа Хаби Алонсо даврида қўлланилган жамоа машғулотларига ёндашувни ўзгартиришга қарор қилди.

Энди «қаймоқранглилар» футболчилари Чемпионлар лигасидаги сафар ўйинлари олдидан машғулотларни рақиб жамоа мамлакати ҳудудида ўтказади. Бу ҳақда Marca хабар бермоқда.

Манба маълумотларига кўра, янги тамойилни амалга ошириш зудлик билан бошланади. Сешанба куни, 27 январь тонгида мадридликлар Чемпионлар лигасининг 8-тури доирасида «Бенфика»га қарши учрашув учун Лиссабонга йўл олади ва куннинг иккинчи ярмида «Да Луш» стадионида якуний машғулотни ўтказади.

Қайд этилишича, Алонсо «Мадрид»нинг ўйин олдидан машғулотларини Мадридда ўтказишни афзал кўрар, рақиб стадионида эса фақат ўйинда иштирок этар эди.