"Тоттенхэм" дарвозабони Гульельмо Викарио келаси ёзда Миланнинг "Интер" клубига кўчиб ўтишга тайёр. 29 ёшли футболчининг Италияга қайтиш истаги ҳақида аввал ҳам хабар берилган эди. Журналистлар Маттео Моретто ва Фабрицио Романонинг маълумотларига кўра, "шпорлар" посбони нафақат ватанига қайтиб ўйнаш ниятини билдирган, балки "нерадзуррилар" сафига қўшилишга ҳам розилик берган. Энди Милан гранди "Тоттенхэм" билан трансфер шартлари бўйича келишиб олиши лозим.

Агар ушбу келишув амалга ошса, Викарио "Интер" таркибида Янн Зоммернинг ўрнини эгаллайди. Швейцариялик дарвозабоннинг шартномаси мавсум якунида якунланади. Transfermarkt порталига кўра, италиялик посбоннинг бозор баҳоси 30 миллион еврони ташкил этади.