Мадриднинг "Реал" клубига тегишли бўлган аргентиналик хавбек Франко Мастантуоно Испания Ла Лигасини Англия чемпионатига алмаштириши мумкин. Бу ҳақда Tribal Football хабар бермоқда.
Журналистлар маълумотига кўра, вингерни Лондоннинг "Челси" клуби ўз сафига қўшиб олмоқчи. "Аристократлар" раҳбарияти аргентиналик футболчини 2025/2026 йилги мавсум якунига қадар ижарага олмоқчи.
18 ёшли хавбек ўтган йилнинг август ойида "қироллик клуби" сафига қўшилган эди. "Реал" унинг "Ривер Плейт"дан трансфери учун 45 миллион евро тўлади. Мастантуоно Испания гранди билан 2031 йил июнь ойи охиригача мўлжалланган узоқ муддатли меҳнат шартномасини тузди.













