"Тоттенхэм"да ижара асосида тўп тепаётган "ПСЖ" форварди Рандал Коло-Муанига "Ювентус" қизиқиш билдирмоқда. Бу ҳақда журналист Экрем Конур хабар бермоқда.
Манбага кўра, "Ювентус" франциялик ҳужумчини мавсумнинг иккинчи қисми учун ижарага олмоқчи. Ўтган йилнинг ёзида Коло-Муани ижара асосида "Тоттенхэм"га ўтганди. Таъкидланишича, "шпорлар"нинг футболчини сотиб олишга уриниши муваффақиятсиз якунланган.
Жорий мавсумда 27 ёшли Коло-Муани барча турнирларда 23 та ўйинда майдонга тушиб, 2 та гол урди ва 3 та голли узатмани ўз ҳисобига ёздириб қўйди.
Коло-Муанининг "ПСЖ" билан амалдаги шартномаси 2028 йилга қадар имзоланган. Transfermarkt портали мутахассислари футболчининг нархини 25 миллион еврога баҳоламоқда.
