Лондоннинг "Челси" клуби форварди Лиам Делап Англия Премьер-лигасининг бошқа бир топ-клуби қизиқишлари доирасида. Бу ҳақда The Independent хабар берди.
Манбага кўра, 22 ёшли марказий ҳужумчини "Манчестер Юнайтед" ўз сафига қўшиб олмоқчи. "Қизил иблислар"нинг фикрича, Лиам ҳозирги жамоанинг ўйин услубига мос келади.
Делап "аристократлар" билан 2031 йил ўрталаригача шартнома мажбуриятлари билан боғланган. Футболчининг бозор нархи 35 миллион еврога баҳоланмоқда.
Жорий мавсумда ҳужумчи лондонликлар сафида 18 та ўйин ўтказиб, 2 та гол ва 1 та голли узатма муаллифи бўлди.
