Англиялик собиқ футболчи Мартин Киоун "Арсенал" ва "Манчестер Юнайтед" жамоаларининг Премьер-лига доирасидаги учрашуви олдидан жамоа сардорларини таққослади.
"Канонирлар"нинг собиқ ҳимоячиси португалияликнинг барча муваффақиятларига қарамай, Мартин Эдегорни Бруну Фернандешдан устун кўришини айтди.
"Эдегор ва Фернандешдан бирини танлаганимда, биринчисини афзал кўрган бўлардим - у меҳнаткашроқ, прессингда фойдалироқ. Бруну ақл бовар қилмас статистикага эга, аммо, менимча, Мартин умуман футболчи сифатида яхшироқ, чунки у кўп нарса таклиф қила олади ва у ҳам ажойиб вазиятлар яратишни билади," - дея Киоуннинг сўзларини келтиради инглиз ОАВ.
"Арсенал"нинг "Манчестер Юнайтед"га қарши бугунги баҳси Тошкент вақти билан соат 21:30да бошланади.
