Angliyalik sobiq futbolchi Martin Kioun "Arsenal" va "Manchester Yunayted" jamoalarining Premyer-liga doirasidagi uchrashuvi oldidan jamoa sardorlarini taqqosladi.
"Kanonirlar"ning sobiq himoyachisi portugaliyalikning barcha muvaffaqiyatlariga qaramay, Martin Edegorni Brunu Fernandeshdan ustun ko‘rishini aytdi.
"Edegor va Fernandeshdan birini tanlaganimda, birinchisini afzal ko‘rgan bo‘lardim - u mehnatkashroq, pressingda foydaliroq. Brunu aql bovar qilmas statistikaga ega, ammo, menimcha, Martin umuman futbolchi sifatida yaxshiroq, chunki u ko‘p narsa taklif qila oladi va u ham ajoyib vaziyatlar yaratishni biladi," - deya Kiounning so‘zlarini keltiradi ingliz OAV.
"Arsenal"ning "Manchester Yunayted"ga qarshi bugungi bahsi Toshkent vaqti bilan soat 21:30da boshlanadi.
