"Манчестер Юнайтед" бош мураббийи Майкл Кэррик ўз жамоаси футболчиларининг салоҳиятини нима эвазига юзага чиқариши мумкинлиги ҳақида жавоб берди.
44 ёшли мураббий 13 январь куни "қизил иблислар" бош мураббийи вазифасини бажарувчи лавозимини эгаллади. Инглиз бошчилигидаги дастлабки ўйинда жамоа дербида "Манчестер Сити"ни мағлуб этганди (2:0).
"Мен инсоний алоқага қаттиқ ишонаман. Футбол маҳорати - бу ажойиб нарса, лекин футболчилар - одамлар, шунинг учун алоқа ўрнатиш, шахсий салоҳиятни очишга ёрдам бериш муҳим. Баъзида футболчини қўллаб-қувватлаш, баъзида эса туртки бериш керак," - деди мутахассис якшанба кунги "Арсенал"га қарши ўйин олдидан берган интервьюсида.
Майкл Каррик "МЮ"га қайтишидан олдин деярли уч йил давомида "Мидлсбро"да ишлаган.
