"Реал" президенти Флорентино Перес бу ҳафта "Тоттенхэм" рахбари Дэниэл Леви билан муҳим учрашувлар ўтказмоқда, деб ёзмоқда "Marca".
Учрашувлар сешанба ва чоршанба кунлари Майамида бўлиб ўтди.
Хабарингиз бор, яқиндагина "шпорлар" Мадрид клуби билан Бэйл трансфери борасида музокара ўтказишни, ҳатто телефон орқали муҳокама қилишни ҳам рад этишганди. Аммо энди икки жамоа рахбари ишга шахсан киришганлар.
Хабарларга қараганда, музокаралар "Реал" бир футболчини қўшиб бериши мумкинлиги ҳақида кетмоқда. Айтиш жоиз, бугунги кунда мадридликлар сафида бундай футболчи фақат битта - ҳимоячи Фабиу Коэнтрау.
Эслатиб ўтамиз, Мадрид клуби ўз таклифини 85 миллион фунтдан 100 миллионга кўтаришга ҳам тайёр бўлиб турибди. Агар ушбу трансфер амалга ошадиган бўлса, у ҳолда жаҳон футболи трансфер оламида янги рекордга шоҳид бўлади.
