"Ливерпуль" бош мураббийи Арне Слотга чап қанот ҳимоячиси Эндрю Робертсон клубни тарк этиши мумкинлиги ҳақида савол берилди.

Куни кеча маълум бўлишича, шотландиялик футболчини "Тоттенхэм" ўз сафига қўшиб олмоқчи. Миш-мишларга кўра, "шпорлар" футболчининг ўзи билан келишиб қўйган. Тахминларга кўра, 31 ёшли футболчи "Қорабоғ"га қарши бўлажак баҳсда "Энфилд"да мухлислар билан хайрлашиши мумкин.

Нидерландиялик мураббий келишув ҳақидаги маълумотларни айтишдан бош тортди: "Мен олдин трансферлар ҳақида ҳеч гапирганманми? Жавоб оддий: биз трансферларни омма олдида муҳокама қилмаймиз," - деди Слот "Борнмут"дан учралган мағлубиятдан (2:3) кейинги матбуот анжуманида.

Эндрю Робертсон шанба кунги "гилослар"га қарши ўйинда танаффусда захирадан майдонга тушди.