"Манчестер Сити" бош мураббийи Хосеп Гвардиола жамоа форварди Омар Мармушнинг ўйини ҳақида фикр билдирди.
Мутахассиснинг таъкидлашича, Мармуш "Манчестер Сити"га келганидан кейинги дастлабки ойларда ақл бовар қилмас даражада эди. Испаниялик мураббийнинг фикрича, усиз "шаҳарликлар" Чемпионлар лигасига чиқа олмас ва Англия кубоги финалига чиқа олмасди.
"Мармуш - ўзига хос футболчи. Унинг голни сезиш қобилияти жуда яхши, у яхши ҳаракатланади. Мен уни ҳақиқий вингер эмас, кўпроқ ҳужумчи сифатида кўраман. Аммо у қарши ҳужумлар учун жуда мос. Мен ундан мамнунман!" - деб Гвардиоланинг сўзларини келтиради The Touchline.
Жорий мавсумда 26 ёшли Мармуш барча мусобақаларда 17 та ўйинда майдонга тушиб, 2 та гол урди ва 1 та голли узатмага муаллифлик қилди.
