"Барселона" ярим ҳимоячиси Марк Касадо бошқа клублар қизиқиш билдираётгани ҳақидаги маълумотларга изоҳ берди.
Сўнгги вақтларда ОАВда 22 ёшли футболчи мунтазам ўйин амалиётига эга бўлмагани учун клубни тарк этиши мумкинлиги ҳақида тез-тез хабарлар тарқалмоқда. Испаниялик футболчига даъвогарлар орасида Мадриднинг "Атлетико", "Манчестер Юнайтед" ва "Галатасарой" клублари бор эди.
"Мен ҳеч қачон таслим бўлмайман. "Барселона"га фойда келтира олишимга ишонаман. Жамоадошларимга ёрдам беришга доим тайёрман. "Барса"да ўйнаш - болаликдаги орзум, ҳозир ҳам шу орзу билан яшаяпман," - дея Касадонинг сўзларини келтиради Barca Universal.
