Ҳужумчи Эндрик Мадриднинг "Реал" клубини тарк этгач, "Лион"да ўзини кўрсатишда давом этмоқда. "Қаймоқранглилар"дан ижарага олинган бразилиялик форвард якшанба куни "Метц"га қарши кечган ва 5:2 ҳисобида "тўқувчилар"нинг ғалабаси билан якунланган ўйинда хет-трик қайд этди.
19 ёшли ҳамюртининг муваффақияти ҳақида "қироллик клуби" форварди Винисиус Жуниор қуйидагича фикр билдирди: "Эҳ, энди уни тўхтатиб бўлмайдиганга ўхшайди," - деб ёзди "Реал" юлдузи ижтимоий тармоқларда Эндрикка мурожаат қилиб.
Эслатиб ўтамиз, Францияга жўнаб кетишидан олдин вундеркинд жорий мавсумда деярли майдонга тушмаган эди. "Лион"да у учта ўйинда тўртта гол ва битта голли узатмани амалга оширишга муваффақ бўлди.
