Hujumchi Endrik Madridning "Real" klubini tark etgach, "Lion"da o‘zini ko‘rsatishda davom etmoqda. "Qaymoqranglilar"dan ijaraga olingan braziliyalik forvard yakshanba kuni "Mets"ga qarshi kechgan va 5:2 hisobida "to‘quvchilar"ning g‘alabasi bilan yakunlangan o‘yinda xet-trik qayd etdi.
19 yoshli hamyurtining muvaffaqiyati haqida "qirollik klubi" forvardi Vinisius Junior quyidagicha fikr bildirdi: "Eh, endi uni to‘xtatib bo‘lmaydiganga o‘xshaydi," - deb yozdi "Real" yulduzi ijtimoiy tarmoqlarda Endrikka murojaat qilib.
Eslatib o‘tamiz, Fransiyaga jo‘nab ketishidan oldin vunderkind joriy mavsumda deyarli maydonga tushmagan edi. "Lion"da u uchta o‘yinda to‘rtta gol va bitta golli uzatmani amalga oshirishga muvaffaq bo‘ldi.
