"Монако" клуби ва Германия терма жамоаси марказий ҳимоячиси Тило Керерга Туркиянинг "Бешиктош" клуби қизиқиш билдирмоқда. Бу ҳақда Foot Mercato нашри хабар бермоқда.
Керер мавсум бошида захирада қолаётган эди, аммо жамоадошларининг жароҳатлари уни яна Поконьоли жамоасининг муҳим ўйинчисига айланишига олиб келди. 29 ёшли германиялик футболчи барча мусобақаларда 22та ўйин ўтказган.
"Бешиктош" футболчи учун 15 миллион евро (3 миллион - бонуслар кўринишида) таклиф қилган. "Монако" футболчи учун 20 миллион олмоқчи. Керер июнгача сотилиши керак, акс ҳолда клуб УEФАнинг молиявий қоидалари бузилишига дучор бўлиши мумкин.
