"Лацио" марказий ҳимоячиси Марио Хила клубини ўзгартириши мумкин. АS нашрининг хабар беришича, Италиянинг "Милан" клуби 25 ёшли футболчи билан шартнома имзолашга қизиқиш билдирмоқда. Манбага кўра, "россонерилар" испаниялик футболчи учун 20 миллион евро тўлашга тайёр.
"Милан" Хиланинг трансферини ёзги трансфер ойнасида, яъни унинг ҳозирги клуби билан шартномаси тугашига бир йил қолганда амалга оширишга тайёрлиги ҳақида хабарлар тарқалган.
Марио Хила "Лацио"га 2022-йил ёзида 6 миллион евро эвазига "Реал Мадрид" ёшлар жамоасидан қўшилган эди. ОАВ хабарларига кўра, "Лос Бланкос" ҳимоячининг кейинги трансфер нархининг 50 фоизини олиш ҳуқуқига эга. Шунинг учун, агар "Милан" ва "Лацио" ўртасидаги келишув якунланса, "Реал Мадрид" 10 миллион евро ишлаб топади.
