"Арсенал"нинг рақиблари Премьер-лиганинг жорий мавсумида 4 та автогол уришди.

Кеча "Манчестер Юнайтед" ҳимоячиси Лисандро Мартинес "канонирлар"га қарши ўйинда (3:2) ўз дарвозасини ишғол қилди. Бунгача "Вулверхэмптон"дан Сем Жонстон ва Ерсон Москера, "Брайтон"дан Жоржиньо Рюттер ўз дарвозасини ишғол қилганди.

Англия чемпионатининг бу мавсумида "Арсенал" жами 42 та гол урди, автоголларнинг улуши 9,5 фоизни ташкил этмоқда - бу кўрсаткич АПЛ ғолибига айланган жамоаларнинг ҳеч бирида бунчалик юқори бўлмаган.

Эслатиб ўтамиз, 1996/97 ва 2012/13-йилги мавсумларда "Манчестер Юнайтед"нинг рақиблари 6 та автогол уришган - бу мавсумларда манкунианликлар Англия чемпиони бўлишган. Шу билан бирга, автоголларнинг улуши биринчи ҳолатда 7,89%, иккинчисида эса 6,98% ни ташкил этди.

"Арсенал"нинг кечаги ўйиндаги иккинчи голи бурчак тўпидан сўнг киритилди. Бу лондонликларнинг АПЛ жорий ўйинида стандарт вазиятдан урган 15-голи бўлди, бундай тўплар улуши "канонирлар"нинг ушбу турнирдаги барча голларининг 35,7 фоизини ташкил этади. Автоголларда бўлгани каби бу кўрсаткич ҳам ўтган йиллардаги АПЛ ғолибларидан юқорироқ. Рекорд "Манчестер Юнайтед" томонидан 2007/08-йилги мавсумда ўрнатилган - ўшанда манкунианликлар ўз голларининг 27,5 фоизини стандартлардан уришган.

"Арсенал" очколарини 50тага етказиб, мусобақа жадвалида 1-ўринда бормоқда. "Манчестер Сити" ва "Астон Вилла" ундан 4 очко ортда қолмоқда.