Миланнинг "Интер" клуби юлдуз ҳужумчиси ёзда жамоани тарк этиши мумкин.
Италиянинг Calciomercato нашри тарқатган хабарга кўра, "нерадзурилар" раҳбарияти учун ёзги трансферлар даврида Маркус Тюрамнинг кетиши жиддий муаммога айланмайди, чунки унинг клуб билан амалдаги шартномаси 2028 йилнинг июнь ойи охиригача амал қилади. "Интер" 28 ёшли франциялик футболчини адолатли нархга сотиши мумкин.
Эслатиб ўтамиз, Тюрам "Интер" сафига 2023 йилнинг ёзида "Боруссия"дан эркин агент сифатида келиб қўшилган эди.
Бу мавсумда Маркус Тюрам "Интер" сафида барча мусобақаларда 24 та ўйинда 11 та гол урди ва 4 та голли узатмани амалга оширди. Нуфузли Transfermarkt сайти унинг нархини 60 миллион еврога баҳоламоқда.
