Milanning "Inter" klubi yulduz hujumchisi yozda jamoani tark etishi mumkin.
Italiyaning Calciomercato nashri tarqatgan xabarga ko‘ra, "neradzurilar" rahbariyati uchun yozgi transferlar davrida Markus Tyuramning ketishi jiddiy muammoga aylanmaydi, chunki uning klub bilan amaldagi shartnomasi 2028 yilning iyun oyi oxirigacha amal qiladi. "Inter" 28 yoshli fransiyalik futbolchini adolatli narxga sotishi mumkin.
Eslatib o‘tamiz, Tyuram "Inter" safiga 2023 yilning yozida "Borussiya"dan erkin agent sifatida kelib qo‘shilgan edi.
Bu mavsumda Markus Tyuram "Inter" safida barcha musobaqalarda 24 ta o‘yinda 11 ta gol urdi va 4 ta golli uzatmani amalga oshirdi. Nufuzli Transfermarkt sayti uning narxini 60 million yevroga baholamoqda.
