"Челси" Коул Палмерга шерик сифатида Морган Рожерсни олиб келишга интилмоқда. Бу ҳақда TEAMtalk’га таяниб, Transfer News Live хабар бермоқда.
Ўз вақтида Палмер ва Роджерс "Манчестер Сити" ёшлар жамоасида бирга ўйнаган. Морган ҳозирда "Астон Вилла" шарафини ҳимоя қилмоқда ва 2031 йилнинг ярмигача мўлжалланган шартномага эга.
Рожерс анчадан бери "Челси"нинг нишони бўлиб турибди. "Аристократлар"нинг фикрича, ушбу футболчи майдонда Палмернинг ўрнини тўлиқ тўлдиради.
Нуфузли Transfermarkt портали мутахассислари 23 ёшли Морган Рожерсни 70 миллион еврога баҳоламоқда.













