"Ливерпуль" ва "Тоттенхэм" чап қанот ҳимоячиси Эндрю Робертсон трансфери бўйича келишиб олди, аммо "қизиллар" унинг ўрнига бошқа футболчи топиши керак.
Бен Жейкобснинг маълум қилишича, клублар 31 ёшли шотландиялик футболчининг трансферини бонуслар билан қўшиб ҳисоблаганда 5 миллион фунтга келишган. Аммо "Ливерпуль" ўйинчига ўринбосар топган тақдирдагина уни сотишни маъқул кўради.
"Ливерпуль" "Рома"дан Константинос Цимикасни қайтармоқчи эди, аммо томонлар ўртасидаги ижара шартномасида грекнинг Италиядан муддатидан олдин кетиши ҳақида банд йўқ. Римликлар унинг ўрнига бошқа одам топилса, қўйиб юборишга рози. Клуб "Вулверхэмптон"га норвегиялик Давид Меллер Волф учун 7 млн фунт таклиф қилди, рад жавобини олди ва бошқа вариантларни кўриб чиқишда давом этмоқда.
"Ливерпуль" ҳам, Робертсон ҳам вазиятга хотиржам муносабатда бўлди. Агар "Рома" чап қанот ҳимоячиси топса, Эндрю "Тоттенхэм"га ўтиши мумкин. Акс ҳолда ўйинчи ўз жамоасида қолади.
