"Liverpul" va "Tottenxem" chap qanot himoyachisi Endryu Robertson transferi bo‘yicha kelishib oldi, ammo "qizillar" uning o‘rniga boshqa futbolchi topishi kerak.

Ben Jeykobsning ma’lum qilishicha, klublar 31 yoshli shotlandiyalik futbolchining transferini bonuslar bilan qo‘shib hisoblaganda 5 million funtga kelishgan. Ammo "Liverpul" o‘yinchiga o‘rinbosar topgan taqdirdagina uni sotishni ma’qul ko‘radi.

"Liverpul" "Roma"dan Konstantinos Simikasni qaytarmoqchi edi, ammo tomonlar o‘rtasidagi ijara shartnomasida grekning Italiyadan muddatidan oldin ketishi haqida band yo‘q. Rimliklar uning o‘rniga boshqa odam topilsa, qo‘yib yuborishga rozi. Klub "Vulverxempton"ga norvegiyalik David Meller Volf uchun 7 mln funt taklif qildi, rad javobini oldi va boshqa variantlarni ko‘rib chiqishda davom etmoqda.

"Liverpul" ham, Robertson ham vaziyatga xotirjam munosabatda bo‘ldi. Agar "Roma" chap qanot himoyachisi topsa, Endryu "Tottenxem"ga o‘tishi mumkin. Aks holda o‘yinchi o‘z jamoasida qoladi.