Италия чемпионатининг ўтган мавсумида энг яхши дарвозабон деб топилган "Рома" посбони Миле Свилар Англияга кўчиб ўтиши мумкин. Бу ҳақда La Gazzetta dello Sport нашри хабар бермоқда.
Манбага кўра, Лондоннинг "Тоттенхэм" клуби Свилярни ёзги трансферлар даврида Викариога ўринбосар сифатида кўрмоқда. "Рома" 26 ёшли дарвозабон учун 70 миллион евро сўраши кутилмоқда.
Жорий мавсумда Свилар барча мусобақаларда 30та ўйинда майдонга тушиб, 21та гол ўтказиб юборди ва 13 марта ўз дарвозасини дахлсиз қолдиришга эришди.
Свиларнинг "Рома" билан меҳнат шартномаси 2030 йилгача мўлжалланган. Сербнинг бозор нархи, Transfermarkt маълумотларига кўра, 35 миллион еврони ташкил этади.
