Italiya chempionatining o‘tgan mavsumida eng yaxshi darvozabon deb topilgan "Roma" posboni Mile Svilar Angliyaga ko‘chib o‘tishi mumkin. Bu haqda La Gazzetta dello Sport nashri xabar bermoqda.
Manbaga ko‘ra, Londonning "Tottenxem" klubi Svilyarni yozgi transferlar davrida Vikarioga o‘rinbosar sifatida ko‘rmoqda. "Roma" 26 yoshli darvozabon uchun 70 million yevro so‘rashi kutilmoqda.
Joriy mavsumda Svilar barcha musobaqalarda 30ta o‘yinda maydonga tushib, 21ta gol o‘tkazib yubordi va 13 marta o‘z darvozasini daxlsiz qoldirishga erishdi.
Svilarning "Roma" bilan mehnat shartnomasi 2030 yilgacha mo‘ljallangan. Serbning bozor narxi, Transfermarkt ma’lumotlariga ko‘ra, 35 million yevroni tashkil etadi.
