"Барселона" президенти Жоан Лапорта жамоанинг 2025/26 йилги мавсумдаги вазифалари ҳақида гапирди.
"Бу мавсумдаги асосий мақсад - биз иштирок этаётган барча турнирларда охиригача қолиш ва имкон қадар кўпроқ ғалаба қозониш. Айнан шунинг учун ҳам Испания Суперкубогида ғалаба қозонганимиздан сўнг, Қирол Кубогида қолиб, Ла Лигада яхши ўйнашда давом этиш ва Чемпионлар Лигаси 1/8 финалига тўғридан-тўғри чиқишдан умидвормиз. Агар буни уддалай олмасак, плей-офф ўйинларига чиқамиз ва босқичма-босқич ҳаракатланамиз. Мақсад - мавсумни имкон қадар тарихий бўлган ўтмишдан яхшироқ ўтказиш.
Менда сеҳрли таёқча йўқ ва нима бўлишини билмайман, лекин ишончим комилки, биз охиригача курашамиз, шунинг учун умид қиламанки, бизга ҳар доим зарур бўлган омад ҳамроҳ бўлади ва мен айтганимдек, биз турнирларда ғалаба қозонишимиз мумкин. Менинг интуициям шуни кўрсатмоқдаки, биз ажойиб иш қиляпмиз ва ўтган мавсумда эришган натижаларимизни ортда қолдира оламиз", - дея Лапортанинг сўзларини келтиради Sport.es.
"Барселона" Чемпионлар Лигаси умумий босқичининг 7 ўйинида 13 очко жамғариб, 11-ўринни эгаллаб турибди.
