Журналист Бен Жейкобснинг Алекс Крук маълумотига таяниб хабар беришича, Лондоннинг "Вест Хэм" клуби "шпорлар" билан 22 ёшли дарвозабон Антонин Кинскийни жорий мавсум якунига қадар ижарага олиш бўйича музокаралар олиб бормоқда.
Қайд этилишича, "болғачилар" келишувга футболчини сотиб олиш имкониятини ҳам қўшмоқчи. Унинг трансфер нархи Transfermarkt порталида 13 миллион еврога баҳоланмоқда.
Жорий мавсумда Антонин Кинский "Тоттенхэм" сафида Англия Лига кубогида иккита ўйинда майдонга тушди. У "шпорлар" сафида жами 12 та ўйин ўтказган. Ўтган йилнинг январида лондонликлар уни Праганинг "Славия" клубидан 16 миллион еврога харид қилганди.
