«Манчестер Юнайтед» ёзги трансферлар ойнасида Сенегал терма жамоаси ва «Эвертон»нинг қанот ҳужумчиси Илиман Ндиайени трансфер рўйхатига киритиши кутилмоқда. Бу ҳақда TEAMtalk нашри хабар берди.

Манбага кўра, 25 ёшли вингерни қўлга киритиш учун «қизил иблислар» катта миқдорда маблағ тўлашига тўғри келиши мумкин. Айни пайтда «Эвертон» сенегаллик футболчига аниқ нарх белгиламаган, чунки клуб уни сотиш нияти йўқлигини таъкидламоқда.

Маълумот ўрнида. Ндиайе яқинда якунига етган Африка кубоги мусобачасида чемпионликни қўлга киритди.

Жорий мавсумда «Эвертон» қанот ҳужумчиси барча мусобақаларда 19 та ўйинда иштирок этиб, 4 та гол ва 2 та голли узатма муаллифи бўлди. Футболчининг клуб билан амалдаги шартномаси 2029 йил ёзига қадар мўлжалланган. Transfermarkt маълумотларига кўра, Ндиайенинг бозор қиймати 45 млн еврони ташкил этади.