Саудия Арабистонининг "Ал-Аҳли" клуби ярим ҳимоячиси Франк Кесси Италия А Сериясига қайтиши мумкин. 29 ёшли футболчи Миланнинг "Интер" клуби қизиқишлари доирасига тушиб қолди.
Журналистлар Маттео Моретто ва Фабрицио Романонинг маълум қилишича, тез орада "нерадзуррилар" ивуарлик футболчининг атрофидагилар билан учрашув ўтказиб, мавсум якунлангач, унинг жамоага ўтиши мумкинлигини муҳокама қилишади. Ярим йилдан сўнг хавбекнинг амалдаги шартномаси ўз ниҳоясига етади - у эркин агент сифатида янги жамоасига ўта олади.
Яқинда Франк Кессьенинг агентлари А Сериянинг бошқа бир гранди - "Ювентус" вакиллари билан учрашганди. "Милан" собиқ юлдузининг режалари ҳозирча ошкор этилмаяпти. Transfermarkt порталида футболчининг нархи - 12 млн евро.
