ЦСКА ярим ҳимоячиси Кейсуке Хонда "Милан"га ўтиши борасидаги музокаралар ҳақида гапириб ўтди. Унинг таъкидлашича, италияликлар ЦСКаннг таклифига рози бўлишган ва унинг учун 5 миллион евро тўлашга тайёрлар.
— "Милан" билан музокаралар шунчаки кетаётгани йўқ, балки якуний босқичга кирди. Билишимча, миланликлар ЦСКАнинг шартларини қабул қиладиган бўлишди. Лекин ҳали якуний қарорга келинмади. Якуний қарор "Милан" ва ЦСКА президентлари томонидан қабул қилинади, — дейди Хонда.