"Кристал Пэлас" ярим ҳимоячиси Адам Уортон фаолиятини "Ливерпул"да давом эттириши мумкин. Бу ҳақда DaveCope хабар бермоқда.
Манбага кўра, томонлар эҳтимолий ўтиш бўйича музокаралар олиб борган. Қайд этилишича, Уортоннинг ўзи бошқа йирик клублар қизиқиш билдираётганига қарамай, "Энфилд"га ўтишни карьерасини ривожлантиришнинг устувор варианти деб ҳисоблайди.
Жорий мавсумда 21 ёшли Уортон барча мусобақаларда 31та ўйин ўтказиб, 3та гол урган.
Уортоннинг "бургутлар" билан меҳнат шартномаси 2029 йилнинг ёзигача мўлжалланган. Transfermarkt портали мутахассислари англияликнинг нархини 60 миллион еврога баҳоламоқда.













