"Ювентус" бош мураббийи Лучано Спаллетти туринликлар марказий ярим ҳимоячиси Уэстон Маккенни ўйинига баҳо берди.

"У жамоа учун муҳим роль ўйнайди. Маккенни нима қилса ҳам доим кулиб туради. Менимча, у бу ерда жуда яхши", - дея мураббийнинг сўзларини келтиради Sky Sport.

Яқинда ОАВда америкалик футболчи "Ювентус" билан меҳнат шартномасини узайтиришга яқинлиги ҳақида хабарлар тарқалди. Маккенни билан амалдаги шартнома ярим йилдан сўнг ўз ниҳоясига етади.

Жорий мавсумда 27 ёшли хавбек барча мусобақаларда 29 та ўйинда майдонга тушиб, 5 та гол ва 4 та голли узатмани ўз ҳисобига ёздириб қўйди.