"Yuventus" bosh murabbiyi Luchano Spalletti turinliklar markaziy yarim himoyachisi Ueston Makkenni o‘yiniga baho berdi.

"U jamoa uchun muhim rol o‘ynaydi. Makkenni nima qilsa ham doim kulib turadi. Menimcha, u bu yerda juda yaxshi", - deya murabbiyning so‘zlarini keltiradi Sky Sport.

Yaqinda OAVda amerikalik futbolchi "Yuventus" bilan mehnat shartnomasini uzaytirishga yaqinligi haqida xabarlar tarqaldi. Makkenni bilan amaldagi shartnoma yarim yildan so‘ng o‘z nihoyasiga yetadi.

Joriy mavsumda 27 yoshli xavbek barcha musobaqalarda 29 ta o‘yinda maydonga tushib, 5 ta gol va 4 ta golli uzatmani o‘z hisobiga yozdirib qo‘ydi.