"Манчестер Юнайтед" жамоа дарвоза чизиғини кучайтирмоқчи, деб хабар беради Football Insider. Манкунианликлар Аргентина терма жамоаси ва Бирмингемнинг "Астон Вилла" клуби дарвозабони Эмилиано Мартинес номзодига қайтишмоқчи.
"Қизил иблислар" 33 ёшли жаҳон чемпиони учун Миланнинг "Интер" клуби билан курашишга тайёр. Потенциал битим суммаси 46 миллион еврога баҳоланмоқда. Мартинес "шерлар" билан 2029 йилнинг ярмигача шартнома мажбуриятлари билан боғланган.
Аргентиналик посбон Англия премьер-лигасининг жорий мавсумида 19 та учрашув ўтказиб, 17 та тўп ўтказиб юборди.
