Сўнгги ўйинларда ҳимоячи Харри Магуайр ўзини яхши кўрсатмоқда. Бироқ, унинг "Манчестер Юнайтед" билан шартномасини узайтириш эҳтимоли тобора камайиб бормоқда. Бу ҳақда Daily Mail саҳифаларидаги материалда айтилади.
Магуайрнинг амалдаги шартномаси ёзда ўз ниҳоясига етади ва ҳозирда клуб уни узайтириш бўйича музокараларни бошламоқчи эмаслиги кўриниб турибди. Майкл Кэррик Харрининг мухлиси, аммо раҳбарият кейинги мавсумда Лени Йоро ва Эйден Хевеннинг ўйин амалиётига эга бўлишини хоҳлайди. Клубдагиларнинг фикрича, бу икки футболчи узоқ йиллар давомида ҳимоянинг пойдевори бўлиб хизмат қилади.
Март ойида Харри Магуайр 33 ёшга тўлди. Унга Премьер-лиганинг бошқа клублари ва А Сериянинг бир нечта клублари қизиқиш билдирмоқда.
