"Барселона" "Леванте" форварди Этта Эйонгни ўз сафига қўшиб олмасликка қарор қилди.
Diario SPORT хабарига кўра, Каталония клуби футболчининг трансфери учун курашдан чиқишга қарор қилган. Камерунлик футболчининг шартномасидаги товон пули 30 миллион еврони ташкил этади. "Кўк-анорранглилар" футболчи учун бунча пул тўлашга тайёр эмас. Шу билан бирга, "Барселона" Англия Премьер-лигаси жамоалари бу суммани тўлаши мумкинлигини тушунади.
Этта Эйонг "Леванте"га 2025 йилда "Вильярреал"дан уч миллион евро эвазига ўтганди. Унинг шартномаси 2029 йилнинг 30 июнига қадар имзоланган. Ҳужумчи жорий мавсум 19 та ўйинда майдонга тушиб, 6 та гол урди ва 3 та голли узатмани амалга оширди.
