"Барселона" ҳужумчиси Роберт Левандовски Чемпионлар лигасида "Копенгаген"га (4:1) қарши ўйиндан кейин жамоанинг ҳолати ҳақида гапирди.
37 ёшли польшалик "кўк-анорранглилар"га умумий босқичнинг сўнгги турида 48-дақиқада гол уриб, ғалаба қозонишга ёрдам берди.
"Биз жуда кўп ўйинларни тўхтовсиз ўтказяпмиз. Ўйинлар ҳар уч кунда ўтказилади - танаффус керак. Ўйинлар орасидаги икки кунни машғулотларга бағишлаймиз, шунинг учун умуман дам олиш йўқ. Қўшимча иккита ўйиндан қочиш учун тўғридан-тўғри 1/8 финалга чиқиш жуда муҳим эди," - дея Левандовскининг сўзларини келтиради Barca Universal.
