"Челси" "Манчестер Юнайтед"га ҳужумчи Уэйн Руни трансфери борасида яна расмий таклиф жўнатмоқчи. Бу ҳақда "The Guardian" хабар қилган.
Газетанинг ёзишича, ҳозир Лондон клуби трансфер амалга ошиши учун янги шартлар устида ишламоқда. Манбада бу сафарги таклифда қанча пул ваъда қилиниши ҳақида маълумот берилмаган.
Хабарингиз бор, "МЮ" аввалроқ "Челси"нинг икки таклифига рад жавобини берганди. Англия чемпионларига сўнгги бор 25 миллион фунт таклиф қилинган.
Рунининг ўзи ҳам Лондонга кетиш вариантини кўриб чиқишга тайёр. Эслатиб ўтамиз, кеча у машғулотларни "МЮ" захира таркиби билан ўтказганди.
