"Галатасарой" ярим ҳимоячиси Илкай Гюндоган собиқ жамоаси "Манчестер Сити"га қарши ўйиндан сўнг интервью берди.

Чемпионлар лигаси умумий босқичининг сўнгги турида "шаҳарликлар" ўз майдонида 2:0 ҳисобида ғалаба қозонди. Голларга 11 ва 29-дақиқаларда Эрлинг Холанд ҳамда Райан Шерки муаллифлик қилди.

- "Этиҳад"нинг кийиниш хонасида ўтириш бироз ғалати эди. Албатта, мен учун бу ҳаяжонли оқшом. Алоҳида жой. Бу стадионда ўйнаш ҳар доим ёқимли. Кўплаб таниш чеҳраларни, мухлисларни кўрдим - зўр бўлди. Дўстим Бернарду Силва билан футболка алмашдим. У билан боғлиқ кўплаб ўзига хос хотираларим бор. Ўйлайманки, у ҳам жуда хурсанд бўлди," - дея Гюндоганнинг сўзларини келтиради City Report.

Германиялик футболчи жорий мавсум аввалида "Манчестер Сити" сафини тарк этди.