"Ливерпуль"нинг собиқ устози Юрген Клопп жорий мавсум якунлангач, "Реал"ни бошқариши кутилмоқда.
El Nacional хабарига кўра, агар немис "қаймоқранглилар" бошқарувига келса, унинг биринчи трансфер нишони "Манчестер Сити" форварди Эрлинг Холанд бўлади. Клопп аллақачон норвегиялик ҳужумчи билан боғланиб, уни ёзда "Реал"га ўтишга кўндирган.
Эрлинг Холанд "Манчестер Сити"га 2022 йилда "Боруссия" Дортмунддан 60 миллион евро эвазига ўтганди. Унинг шартномаси 2034 йилнинг 30 июнига қадар мўлжалланган. Ҳужумчи жорий мавсум "шаҳарликлар" сафида барча мусобақаларда 33 та ўйинда майдонга тушиб, 27 та гол урди ва тўртта голли узатмани амалга оширди.













